Kaposvar

27 juli 2019 - Kaposvár, Hongarije

Vandaag n reage daag veurspeld, vannacht om 5 oer begoos t te rommelen, toen mer alles (fietsen, toafel, sjteul) in de garage gezat, dat koos gisteroavend nog neet omdat het wasrek vol mit was erin sjting. De luchtvochtigheid woor gisteren zo hoog dat de was neet dreugde.

Om 5 oer woor dea gelukkig waal dreug. We zeen 2 nachten gebleeve op de Forras Camping in de buurt van de meren van Orfu. Omgeaving weer heel anders, meer wie zuid limburg mer dan ruimer, weidser. Erg mooi. Sommige sjtukke lieke weer op Oostenriek. De camping is mooi mer auch hie zeen weer veual van die ienie mienie sjteakmugge. In mei is in Hongarije veual reage geweas en hubbe ze n mugge plaag gehad, toen hubbe ze vleegtuigen euver loate vleege euveral in Hongarije mit gif. 

De eerste daag zeen we al rond goan fietsen noar de meren om te kieke of we er mit de camper bie kooste kome, ze zigge dat Orfu toeristisch is, mer t durp zeen n paar sjtroate mit get hoeze, niks toeristisch, mer ze moge t toeristisch neume door de twee meren die er ligge. Dus mien mindset moos weer ff aangepast were.

Niks gein kreuamkes of winkelkes. Dat is auch t enige dat ich mis. De gezelligheid van n boulevard mit de kreuamkes en terrasjes van bv zuid frankriek of de boulevare in Portugal. Hie zeen auch berge en toch hub ich neet t geveul dat t mich geit benauwe. Heel apart. Doe kums hie waal helemoal tot rust, auch doordat er weinig verkeer is zeen er heel weinig prikkels van boeteaaf, soms ving ich get meer reuring toch fijner. Dit kint auch nog als ich groot bin dat rustige. Miljaar als ich sommige zeen zitte onger de luifel hub ich zin om die get peaper in de reet te goan sjtoppe. Wiel heat dr minder muite mit. Dea kint zich good euver geave aan dea rust, als dea mer lekker kint zitte mit n leasbeukske alein zuut dr neet altied wat dr leus dan zeen die luuke ineens toe. 

Verkeer is heel divers, dikke bakke mit auto’s tot van die ouwe trabantjes, auch nog van die ouwerwetse vrachtauto’s zuusze veual.

Het meer is prachtig, mit n mooi fietspad eromheer. Veual vakantiehoeze erlangs, meiste gekocht door Duitsers die ze verhuure. Hoeze in Hongarije (boete t ‘toeristische’ dan), kosten hie zo’n 15 doezend euro, grond is goedkoop vandaar dat dr auch heel veual nederlanders hie zitte die zich n lap grond hubbe gekocht en n camping zeen begoos, of n ouwe hongaarse camping opgekocht hubbe en deze hubbe opgeknapt.

Dit hubbe de fam. Keule auch gedoan mit de Forras camping. Het is noe t tweede joar dat ze dees camping dreie, n perfecte plek. 9 km fietse en doe bus aan t meer. Hubs waal n elektrische fiets neudig wat t zeen pittige bergen wo ze euver mos. Om de hook ligt n thermaalbad wo ze noa toe kins mit 20% korting, t likt vrie centraal om noa andere steden te goan.

Sanitair geboew is hypermodern, n apaarte kamer mit wasbakken  op werkhoogte veur dien wasje te doon, heit water en mit zo’n wabord erin verwerkt. De meiste wasbakke sjteisze dich kreupel te bukke en kumsze mit muite weer rechtop. Euveral is euver noa gedacht.

We houe dus gekeke noar n plek wo we mit de camper aan te meer kooste sjtoan, dan woor eigenlijk mer ein plek wat passend woor, dus de volgende daag sjtinge we er al om kwart euver acht. Alein de zon leet nog op zich wachten, dea hou zich versjtopt en zou om 10 oer waal kome, mer wie we auch keeke noar de voorspellingen, dat verangerde mit t oer. Om 11 oer zeen we mer truuk gereje noar de camping en hubbe we de planne gewijzigd. We kooste waal goan mit de kano op t meer mer we krege m ernoa neet meer dreug, t woor te vochtig en af en toe druppelde t. De zon hubbe we gisteren neet meer gezeen.

Neet erg, we zeen lekker get goan poetse, wassen en nog get goan fietsen in de omgeving.

En noe zeen we ongerweag noar Kaposvar, auch weer n grotere sjtad en zo kroepe we langzaam richting het Balatonmeer. 

Foto’s