Onweer-hagel-sjtorm-reage en n lekkage

Heel grappig.......... In kaspovar wore de winkels om half 1 dicht. We houe de camper geparkeerd bie n grote levensmiddelenwinkel Tesco, n bietje opzie van de sjtad,  doa eerst de boodsjappe gehoald en alvast in de camper geluncht. De fietsen eroet en de sjtad in.......mer eerst noar de toerist information dea loog midden in t centrum. 

Huh? Wat lupt hie weinig volk, bliekt dat op zoaterdig  uuterlik om half 1 de winkels gesloate zeen. Sommige winkels zelfs om 11 oer dicht. Hahahaha ich vong t waal humor hubbe. 

Nou ja....toerist information woor waal oape en we kooste urgens geld pinnen, auch weer fijn alsze get in de beurs hubs. Euro’s wille ze toch leever neet op de campings, ich dacht op de website vermelden ze euro priezen dus waarsjienlijk is t gein probleem om mit euro’s te betalen.

Mer, t zunke sjeen lekker en we hubbe get rondgefietst en Wiel heat get foto’s kinne maken van de mooie geboewe. Waal n prachtige sjtad. Misjien dat we moandig hie truuk kome. 

Later op de camping aan Esther vertild dat we in Kaposvar wore om te winkele, ze moos lache, dat is eederein zo gewend he in Nederland dat de winkels om zoaterdig oape zeen. 

Dan mer verder noar de camping, dea loog 42 km verder op. In Nederland busze erdan in n poep en n scheet. Hie kinsze reakene op n oer rieje.

De camping is prachtig! Esther & Kees hubbe de camping noe t 11e seizoen en dat is te merken. Het is n terrassencamping en we hubbe n prachtig oetzicht. Het is waal de eerste camping wo we gein wifi bie de camper hubbe. Mer goed, dan geisze ff bie mc. Donald zitte. Ger zult de filmkes nog waal kriege. Gisteren lukte t neet, te weinig bereik.  We hubbe ozze ogen oet gekeken wie kleurrijk t hie is en op wie veual plekke er zitjes zeen gemaakt. En op elke plek n anger thema. 

Om half 7 kooste we aansjuuve dan woor de goulash kloar. Ja, dat wilde ich zo wie zo mit maken. Hie weerd zo wie zo elke daag get kloar gemaakt door n hongaarse kok, mer de originele goulash dat wilde ich neet missen. Wea dachten dat t heel pittig woor, mer t is heel zacht van sjmaak. Eerderein zit aan n lange toafel en de sfeer is hie super gemoedelijk. De mensen kome zich veursjtelle, kinger kome mit dich kletse t is hie meer ein grote familie ipv eederein veur zich.

Auch bie binnekomst, we houe neet gereserveerd en we keeme op n ongunstig moment binnenvallen, mer er werd tied veur os gemaakt. We kreege n welkomsdrankje, echt gezellig.

Noa t eate kriegse koffie, euveral were bakke mit soesjes gezat en doarnoa kreeg nog eederein n borreltje. N groot deenblaad mit allerlei soorten flessen en zik mer welke datse wils, in n grappig klein borrelglaasje kriegse dan dien borreltje. LEKKER!

Onger t eate werde we gewaarsjuwd dat er zjwoar weer op komst woor, dus als er nog get binne gezat moos were, beater noe ff doon. T werd donker, t begoos te rommele en de eerste flitse keeme, mer we zote gezellig bie ein mit n daak boave os. Loat mer rommele. Gelukkig woor Wiel net op tied om de luuke toe te doon van de camper want t keem mit bakke eroet. Veur de reage hubbe we eerst nog dikke hagel gehad van knikkers zo groot. Gelukkig doerde dat neet erg lang want anders houe we zeker deuke in t daak van de camper gehad. 

Mer t woor mich n spektakel. Vanoet de camper woor t manjefiek om noar te kieke. Bienoa gein knalle mer de eine flits noa de angere.

Wie we soaves de tandenborstel oet de kleierkast hoalde (dea likt doa aan de oplaajer),zeat Wiel wat is t hie naat!

De was naat, alle kleier wat we op de bodem houe ligge zeiknaat en de hangkleier aan de ongerkant zeiknaat. En t drupte noar binne.....Kolere.....

Precies op de plek wo de ouwe satelietsjotel heat gezeate en de nuuje is geplaatst. Geheid neet good aafgekit of get. Dat woor ff bale.

Smurgens huurde we dat onger in de durpe alles woor ongergelope, parkeergarages onger water, hie wore takke van de buim aafgeknakt en de eigenaar van de tent wat n terras boave os loog heat tot ein oer boete gezeate, dea vertroewde t neet. Hea zoog t water bie os op de camper n meater hoog opsjpatte. 

Het is noe 11 oer en gelukkig is t noe dreug en kinne we weer alles boete hangen. Vanmurge houe we net alles boete hangen en toen begoos t weer te reagene.

Word vervolgd.....