Oostenriek

5 juli 2019 - Ort im Innkreis, Oostenrijk

Om 3 oer de wekker gezat en noe rieje we door Oostenriek. Whoohoo dat woor leuk dea grens euver sjteake ich kreeg dr ein schoolreisje geveul van. De hele sfeer van vreuger woor nog aanwezig alein t tolhuisje woor afwezig. Kinsze dich toch neet meer veursjtelle dat Kareltje doa vaak 3 daag heat gesjtange in ein rie om de papieren te loate invulle en sjteeds houe ze m bie zien kladde door zien uuterlik. Aso broen, n paar daag neet gesjore en t uuterlik van inne turk, tjaa ich zou dan auch dinke dat dat gein zuuvere koffie woor.

Ich moos gistere nog ff landen, hou van binnen nog n lichtelijke turbo aan. Passau gezeen tjek! En door!

Dit joar zoue we t anders doon en neet wie angere joare door rieje tot we op de plaats van besjtumming zeen. Dat beveel altied good mer we zoude t noe ns anders goan oetprobere, wie n paar ouwe zuk van die wat wiet euver de datum zeen. Zoals ozze buurman wat neave os sjteit op de camperplaats en de hele tied kompanie zeukt. Hea is 75 joar en ze hubbe alle tied. Vandaag goan ze vanoet Passau mit de boot noar Hongarije n mini kroes make en euver 10 daag zeen ze weer truuk en dan zeen ze waal weer. Wat n leave.

Hea keem aan Wiel vroage woa ze die dinge koos kaupe wat dr euver de ramen heat gemaakt. Dea wit natuurlijk neet dat Willy Wortel alles zelf kint maken en alles zelf oetvingt. Bai ein bouwsjtelle folie kaufe und dan miet duktepe vastplekke das iest alles. Darf ich das maine frouw lasse zeen?  Tuurlik kealke! 

Frou, noe koek maal.......Ja das iest das ende. Zeer sjeun! Das hilt die zonne teage in de camper en dan iest das niegt zo heis, buurman geit das auch mache. Ich zoot lekker te leaze en kump dr weer........ich huur ze gezellig wauwele en hea wilt weite wat wea doon, aj....75 joar en dan beginne die pijntjes te kome, mer Willy Wortel wit road. Schussler zalse nr. 3 hahaha geweldig dat erm kleutje heat sjmertze germ. Hea is m dankbaar en schrieft t allemoal op. Wiel kump truuk mit n roller vuur teage de mugge. Dat kupt dr altied bie de DM en hea heat nooit last van mugge. Wat lief. T kluutje woor zo dankbaar veur de tip 

S murgens hubbe we de Altsjtad bekeke en wat is dat heerlik kneure mit die fietse, t weide get en op de fiets hubse dan gein last van de hitte. In Passau kinsze noa n punt lope wo de Donau en de Inn bie ein kome dat woor waal sjiek om te zeen. Doe koos good de kleur versjille zeen wo t bie ein keem, linker kant woor greunig en de rechter kant poep broen (volgens Wiel woor t geal mer door mien zonnebril duudelik poep broen, bienoa de kleur van als Pie de luier vol heat geduuwd) Wiel heat n polaroid bril en dan zuusze angere kleure, zou kinne!

Rond n oer of twee zeen we weer truuk gefietst noar de camper en toen moos ich ff teage mien lief zigge dat we noe neet verder goan (mien kupke zag, vink Passau gezeen en....go verder.....) mer Wiel keek mich aan wie n botsauto en woor ram releks, we zoue toch murge pas verder goan? Tuurlik sjat.....eenentwintig......twee en twintig......kolere......plom plom plom.....ich bin mer ns koffie goan zette en langzaam zakte de onrust. 

We hubbe t s middigs lekker rustig aan gedoan, lekker gerust, get gesjloape, get gefietst en s oaves lekker in de sjtad get gegeate en Wiel heat foto’s gemaakt van vanalles. Heerlijk wat n fijne daag, we hubbe genoten! 

En vandaag zeen de plannen get gewijzigd. Wiel’s idee, hea zag ineens, ich hub n verrassing veur dich ( doa hou ich waal van)

Hea wit dat ich t leuk ving om te shoppe en in Hongarije kinsze dat vergeate, noe hou dr gisteren ontdekt dat halverweage de reis van vandaag n outlet center is. Doa goan we noe noar toe en doarnoa door noar Hongarije wo we goan euvernachten in de buurt van Budapest. 

Word vervolgd.......

4 Reacties

  1. Laura:
    5 juli 2019
    Heerlijk weer om te kinne leaze... Saar zeat, mam waat busse aan 't lachen?
  2. Marion:
    5 juli 2019
    En heerlijk om de kommentare van uch te leaze 😀
  3. Brigitte:
    5 juli 2019
    Heerlik om in t plat te leaze, veual sjmeu-iger
  4. Sanne:
    11 juli 2019
    Hahaha das deutsj sjreibe geht dich auch gut aaf wat ;-)