Parkeerplaats Outlet in Oostenriek

5 juli 2019 - Parndorf, Oostenrijk

Om half 8 sjtinge we al op de parkeerplaats van t outlet, ontworpe door dezelfde Mc Arthur als in Roermung, mer dan veuale male groter en elk plein heat zien eige parkeerplaats. T liek waal n mini sjtad. We rieje mer ns de richting oet wo auch de busse sjtoan en zeen al n camper sjtoan. Wiel zet m erachter, volgens mich heat dea hie gesloape, t is nog zo vreug. We zeen os net aan t bedinke of we auch nog ff goan ligge en vanoet mien ooghoek zeen ich n dame aan kome sjtiefele. Klein van sjtuk, gezicht op onweer, flinke boezem die wie sjneller ze lup sjteeds hoger kump te zitte. Volgens mich kump dat omdat ze zichzelf  onger t laupe oppompt . Als ze bie os sjteit heat ze bienoa n dubbele kin/boezem.

Zie kunne hie niegt sjtejen zeat ze mit n veneinig sjtumke. Oh zeat Wiel heel onneuzel. Wo kin ich dan sjtean? Gans GANS GANS DOA HIENTER.......WOAAA wat n sjtumke die heat er zin in!

Wiel sjtapt mer ns oet, wo meine zie? De knuip van hur gesjteve witte bloes sjpringt bienoa ervan oape zo is ze zich op aan t rege. Waal n leuk pekske wat ze aan heat, gansemoal zwart mit n witte bloes mer minimaal n moat te klein. Doarom auch dea dubbele kin/boezem. Dat past allemoal neet in dea bloes.

En doa goan we weer. Ze wiest gans GANS GANS (ermke weerd sjteeds langer) doa hinter. Nou vruike. Zo wiet is dat neet huur, geweun achter t parkeerpleatske van de bus. En ze sjtiefelt bie os weg en vluugt noar de angere camper die volgens mich nog in bedje ligge.

En ze klopt en te tikt en ze kiekt op de horloge en als wea al lang geparkeerd sjtoan geit dea sukkel op de parkeerplaats sjtoan van de bus. Oeps.......doa kumpt ze weer aangevloage, campertje moog achter os kome sjtoan.

Zo maakt ze nog ns get leuks mit op de vreuge murge.

2 Reacties

  1. Leon limpens:
    5 juli 2019
    ut zoot gáns onger de titte, erm miensj!
  2. Brigitte:
    5 juli 2019
    Kolere, tyfus, gaasgordien, leuke vrung maakt geer