Toe aan n nuuj avontuur

Noa 7 nachten vonge we t welletjes en zeen we weer toe aan get nuuts. Als t rustig is, is het n perfecte camping mit prachtige baden. Veur nog gein 20 euro per nacht hubbe we hie op de camping gesjtoan incl. toegang tot de thermaalbaden. Super goedkoop. Hie zouwe de kinger zich zeker auch kinne amuseren. 

Vanmurge loge we al om 7 oer in het bad van 36 graden, heerlijk. Alles ontwaakt, er sjtoan grote sjtruuk mit prachtige bloome die zich oprolle soaves en die smurgens zich in volle ornaat loate zeen, doe huurs alein de veugel en veur de rest is t muuske sjtil, t zunke sjient en de damp hingt euver t zwjumbad, heerlijk! Ontbijtje sjting kloar (joghurt mit de abrikozen ‘uit de tuin’), noa n half uurke badderen eroet, ontbijten en vertrikke.

Heel veual oudjes zuusze hie in t hotel ligge, soms zuut het er schrijnend oet, n echtpaar lupt hie rond, hea mit n sjtek kint amper lope en zie gans vergruid, heel mager mit n babyvutje. Germ ich zou dr zo kinne aaf goan dreuge als ze zuus wie ze dat mot doon. Dan is zo’n plaats toch fantastisch veur zo’n mienskes. In het hotel, misjien gans verzurgd, mit alle therapieen erbie wat t nog get dragelijk veur ze maakt. 

In het weekend mosze er neet kome. We sjrokke os kapot, vriedig begoos de camping helemoal vol te lope en zoaterdig zoot de camping hutje mutje vol. Dat woor neet fijn, sjloape auch neet. Die hongaren kinne er get van. Ich dacht dat Spanjaarde luidruchtig wore, mer de hongaren maken er n zoepfestijn van. 

Bie de zjwumbaden werd nog extra vanalles opgeboewd. Zo’n trampoline dink, wo ze aan n tuigje heel hoog kooste sjpringe, n opbloasbaar obstical run , kreuamkes mit soekersjpinne, poffertjes, vanalles woor er te kriege elke daag muziek optreje. 

En elke cm op t grasveld woor bezet. Allemoal dagjesmense van boetenaaf. Kolere, en moandig woor weer alles als vanouds. Lekker rustig en de camping nog mer half vol.

De nederlanders ( dat zeen 2 campers die ich bedoel), hubbe de luifel oetsjtoan. Zitte op hun sjtool onger de luifel. Beweage zich amper, ich zeen ze leaze,  luuj kieke en af en toe in t werme thermaalbad zitte. Boaaa dat kriege wea echt neet veerdig. Wea pakke os de fiets en fietsen get in de omgeving, alein de bus er zo oetgefietst. Durp is klein en neet veual te zeen. 

We sjrokke er waal van wieveual dikke minse er doa rond lope. Ich veulde mich er sjlank bie. Auch ns lekker...bikini aan en alles lekker loate hange, ich hub gein moment mien boek hove in te houe.....whoohoo...

Wat auch apaart is hie in hongarije dat er mer heel af en toe beveiligde sjpoorwegeuvergange zeen. Doe mos zelf kieke of er niks aankumpt....soms vergeate we te kieke....oeps....mer tot noe toe ging t good en is de camper nog gans.

En noe zeen we langzaam richting het balaton meer aan t rieje.....wat auch gek is datse hie zelden n wei teage kums mit koeje of peerde. Waal veual oojevaars zuusze hie op nesten zitte. We motte vandaag 212 km rieje tot aan de volgende plaats, doa doon we waal de hele murge euver. Als we geluk hubbe kinne we 90 km rieje mer vaak is t minder door de sjlechte weag. 

We goan veurdat we noar t balatonmeer goan eerst n grote sjtad bezichtigen (en doa is n groot winkelcentrum bie), sjtiekum verheug ich mich doa t meiste op, ff weer ns winkele en hopelijk weer ns normale kleier kieke. 

De camping zou 4 km vanaf Pecs ligge, mit de camper houe we gekeke is t neet te doon om urgens te parkeren, dus hubbe we nog ff gezocht noar n camping wat dicht bie de sjtad loog en kinne we er mit t fietske er noar toe. Wat n genot die fietse, dat blieft toch zo heerlijk. 

Pecs mot erg mooi zeen mit geboewe oet de romijnse tied en de oostenriekse tied. Bun benuujd. We goan zo ns kieke of we n leuk plekske vinge om te sjtoppe veur koffie te drinke. Het is waal pas 10 oer, mer ich leep auch al om 6 oer rond. Half 7 houwe we de wekker gezat mer ich hub n ingeboewde wekker, bun dan meistal eerder wakker dan de wekker. 

Kumpt door dat schoolreisje geveul. Whoohoooo....weer n nuuj avontuur.......oh ja en gisteren zeen roel en laura en de meisje goan kamperen, wat n genot dat we mit kinne genieten en zo blie veur ze dat ze lekker weerke hubbe. En ich dacht gisteren auch dat ich weer behoefte hou aan die angere kinger en volgens mich houe ze dat opgepikt want ff later keeme doa auch de filmkes van binne. Wat hubbe we t toch good he? 

Word vervolgd.....