Vervolg....

2 augustus 2019 - Balatonmeer, Hongarije

Net wie we alles boete houe gehange om te dreuge begoos t weer te reagene en zo is t de hele daag gebleeve. FF dreug en reage. Ich woor dr kloar mit! T plafond wo t lek woor begoos zich al te verspreiden en werd rondom donker. Weam wit wo t water noar toe geit onger t daak!

Dat woor de eerste daag dat ich blie woor dat t oavend woor, we kooste geine kant op en hubbe alein onger de luifel gezeate. Fietsen woor gein optie, we zoote boave op n heuvel mit sjleichte weag en in de middle of nowhere. Ich begoos mich opgesloate te veule en woor kloar mit Hongarije. Wiel kint dat geveul van mich neet, dea heat nooit last gehad van pieken en dalen, ich hub er inmiddels mit lere leave, mer soms is kloar KLOAR! Weg wees! 

We houe nog ein tussesjtop veur t ballatonmeer en op dea camping koos ich gelukkig wassen. Bie Jonapot auch mer alein op 40 graden en 35 minuten. Beddegood wil ich toch op 60 graden gewassen hubbe. 

De camping op zich loog auch weer in de middle of nowhere, niks eromheen en geweun in n achtertuin, wea wore de enige gasten, de rest zoot in n gedeelte van hur hoes. We hubbe fijn alle was dreug gekrege en s oaves deelgenome aan n aanwaaibbq. Zo neume ze dat hie.

Ich hub mich good vermaakt. Wiel vong t minder zag dr de volgende murge. Hea vong Ilse de vrouwelijke pap. Ilse huurde zich veural zelf geer en alles dreit om Ilse de gastvrouw.  Ich moos m doa waal geliek in geave, t gedrag leek erg op dat van Karel. Zo grappig dat ze auch op latere leaftied veur sommige dingen allergisch bliefs. 

Dinsdigmurge 30 juli vertrokke we noar t ballatonmeer. Dea hubbe we veur t letste bewaard omdat we door heel veual mensen werde gewaarsjuwd. Gank neet doa noar toe, veual te toeristisch, zelfs op de campingbeurs werd os dat gezag. Doarom hou ik versjillende campings oetgezocht rondom het meer zodat we weer truuk kooste noar de ‘rust’. Miljaar ich hub ongertussje genog ‘rust’ gehad en gezeen.

Ich wil waal weer get reuring en leave zeen oet t joar 2019. 

En opins wore de weag weer prima, we hobbelde neet meer in dea camper en noe kiek........ noa n moand versjeen opins n echte brug. Woow noe kiek zik ich teage Wiel wat n mooie bruk. Dat is erein oet ozze tied!!!

Nau jaaaa. Echt woor , we wore allebei blie! Auch zo get geks we hubbe n moand lang gein vleegtuug gezeen en gehuurd. 

.....we zeen noe biennoa bie n sjtad.....t is ongertusje vriedig 2 augustus en t avontuur ballaton weerd vervolgd......heerlijk.....gein campings meer mer vrie parkeren op rustige plekke......whoohoooo.......dat past veual beater bie os dat zigeunerleave! 

Foto’s

1 Reactie

  1. Laura:
    2 augustus 2019
    Welkom truuk in 2019, toch auch waal weer lekker!!