Wassen en n zandbak vullen van de zand wat oet de camper kump

Gisteren de letste daag op de kemping. Saar heat heerlik gesloape en gesjraveld neave mig. Om 6 oer zoot t rechtop de gapen en ff later huurde ich de tent oape goan. Nina moos plasse, ich dacht nog n oer te sjloape mer we wore toch wakker en vong t auch waal gezellig ff mit Saar. Zou ich ns goan kieke of de rest auch wakker is? Ich maak de deur van de camper oape en huur ze al fluustere. Yes! Kom zik ich teage Saar, we kroepe ff bie ze in de tent. Whoohoo.....we lope noar boete en zeen de eendjes al aan kome ‘drave’ noar os. Ze wooste nog wo ze dat lekkere brood kreege. Eederein geliek oet bed. Sjnel brood gehoald en eendjes vore. Wat n plezeer. N fijne sjtart van de ochtend. 

Germ, Wiel heat niks te misse, dea veult zich ram ellendig. Neet veual kinne sloape omdat zien naas dicht zoot en hea loog te plat. Wat n zieke sjnoet. Echt jammer, hea hou zich er zo op verheugd. 

Noa t ontbijt zeen ze weer goan zjwumme in t meer mer de wind woor get frisser, dus noa n kwarteer wore ze er weer oet. Dan mer noar t sterrestrand dat woor get nuuts, n euverdekt zjwumbad en doa neave n binnenstjrand mit speeltoestellen en water. Super leuk veur de kinger.

Noa de middig zeen Sanne & Michel gekome en toen woor auch de wind weer minder en zeen we weer mit z’n alle noar t sjtrandje gegoan. Dat woor nog ff super gezellig mit z’n allen. N paar uurkes later zeen ze mit Zef weer gegange, ze mooste nog noar de verjoardaag van Juul in Eindhoven. Germ Zef woor auch neet helemoal Lekker, gisteroavend hou dr al kealpien en noe kreeg dr n sjnooternaas. 

En eederein kakte auch ff in. Wiel heat de meisjes achter de laptop gezat mit n filmke zodat ze ff kooste rusten. 

Mit t oavend eate keme Roel & Laura auch, die hoofde gein frietjes die sportievelinge, ze houe zich n salade gekocht. Ram gezond. Good bezig zeen die twee! Ich hou veur os frietjes besjteld die werde gebracht. Wat n luxe. Noa t eate ginge we euver t park lope zodat de meisjes papa en mama kooste loate zeen wo we wore geweas. Wiel ging ongertusse alles opruimen.

Bie de knutselzolder begoos euver 10 minuten de disco, doa hubbe de meisjes nog ff mit kinne swinge. Doanoa nog ff noar de speeltuin en toen woor t tied om noar hoes te goan.

T woore super leuke dagen. Ondanks dat Wiel zich ziek veulde heat dr toch kinne genieten. Volgend joar goan we weer en dan misjien waal 2 nachtjes. De kinger willen 8 nachtjes mer doa motte we nog ns n nachtje of tig euver sjloape. Als ze get ouder zeen dan zeker dan goan we samen noar de disco....hollekideej