Weer toes.....

Vanmurge vanoet de omgeaving van de Saar vertrokken noar Luxemburg, dat is woor mer n half oer rieje en we zeen nog nooit langs de moezel gereje in Luxemburg. 

Mer....toen mirkte we dat er get aan de camper is, hea goof al n paar daag n raar geluid en af en toe, dat zoog Wiel via de sjpeegel, keeme zjwarte rookpluume oet de oetloat. Mer noe sjtopte dat neet meer. We wore er neet gerust op, t werd waal get minder mer er mot waal noar gekeke were. Auch de airco wirkt al de hele vakantie alein als we onger de 60 km rieje doarboave sjtop dr. Dat is wie vanouds puffe in die wermte.

We zeen toch gesjtopt in Luxemburg en hubbe doa nog lekker gefietst langs de moozel. Heel gek aan eine kant van t water is luxemburg en aan de euverkant Duitsland.

Omgeaving is prachtig met niks toeristisch en bienoa niks te zeen op t water. Mer super fijne fietspaden.  De camper hubbe we geliek vol getankt dea is hie lekker goedkoop. 

We riskeerde t toch neet om nog n daag langer te blieve en we wore auch blie dat de camper weer op de oprit sjteit. Auto’s reje os veurbie en weze os op de oetloat. Ja duh...dat zoge we zelf auch waal. De hele ongerkant van de camper is zjwart. Wie we Maastreech in reeje begoos dr auch nog get te hapere. Gein idee wat er aan de hand is. We hope dat alein get losgerammeld is van die gate in Hongarije. 

Auch al zeen we mer n paar daag nog weg geweas, t liek weer veual langer deze bonusdagen. Mer noe is t toch echt veurbie. 

We goan nog ffkes de vlogjes doorsjture dat lukte in Duitsland neet. Dan mirkse pas wie verwend we hie zeen mit internet.