Einde van de prachtige tied aan de bodensee

Zondigoavend ....en we zeen ongerweag noar Rothenburg an der tauber, n prachtige sjtad wo we al ns zeen geweas. Ff n tussjesjtop veurdat we nog noar Wertheim goan. 

Vandaag woor t weer n heerlijke zonnige daag mit temperaturen van 29 graden. De letste zonnige daag vanaaf murge geit t weer doa om joamer genog, we wore nog geer langer gebleven.

Mer dan hubbe we waal n reje om hie truuk te komen. Ich hou neet gedacht dat ich de bodensee zo mooi zou vinge. We hubbe de letste daag heel get fietskilomeaters in de bein. Lekker dat deit good. Fietspaden zeen hie top. Omgeaving is prachtig en ja dat water. Wea kinne neet zonger water.

Vandaag ff erin gezwomme. Heel zuuver water. We wore weer noar Bregenz in Oostenriek gefietst. Camper 10 km verderop in n woonwiek gezat en eate, drinke en handdeuk mit en ff lekker bie t water gezeate. Doa noa rond t water gefietst en de coordinaten genoteerd wo we n volgende keer kinne sjtoan mit de camper.

Ich hub de letste daag neet meer gesjreve omdat we veaul vlogjes houe gemaakt en doa alles al in verteld, mer in Duitsland is t bienoa neet te doon om get te downloade. Internet veual te langzaam. Dus die filmkes kome nog allemoal. 

We hubbe t heerlijk samen en we plekke er nog n paar daag aanvast veurdat we noar hoes goan.