8-8-80
8 augustus 2019 - Wangen im Allgäu, Duitsland
Op ozze 39e trouwdaag zitte we zo’n 25 km van de Bodensee aaf. Gisteroavend in de sjtromende reage aangekome op n camperplaats. Door de reage hubbe we euverdaag veual file gehad waardoor we op t letst veur deze plaats hubbe gekoze en neet bie de boer.
Mer super dat we doa veur gekoze hubbe. We hubbe hie sjtroom en kinne weer de tank helemoal vulle mit water. En vanmurge heerlijk kinne douche mit werm water. En noa n weak neet in bikini. Tjuu wat knapse doa van op en noa n weak mien hoare weer kinne fohne. Wat n luxe.
Wiel heat t geveul dat we opnuuj op vakantie zeen hie. Ich kin dat, dat hou ich bie t balatonmeer. Toen dacht ich. Yes.....Vakantie 2.0! De buren die neave os sjtoan is n jong sjtel die al vanaaf april 2017 ongerweag zeen in hun busje. Hubbe n wereldreis gemaakt. Geweldig alsze die verhoale huurs.
T weer is weer dreug en t zou vandaag 25 graden were. Fijn. De fietse sjtoan kloar en we goan weer lekker de jats op. Benuujd wo we oetkome.
Word vervolgd......oh ja .....we hubbe nog alle filmkes kinne oploade van aafgelope daag.
