Noar wertheim
12 augustus 2019 - Rothenburg ob der Tauber, Duitsland
Dat woor ff gek. Gisteren de hele daag prachtig zonnig weerke. Om 6 oer zitte we nog koffie te drinke in de zon en kinne os neet veursjtelle dat t murge of vanoavend geit reagene.
Mer n paar daag geleje hubbe we t zelfde gehad. Dea daag dat we mit de kabelbaan omhoog zeen geweas woor t 32 graden en de volgende daag 10 graden minder, gein zon en af en toe reage. De hele daag gries en kooste we neet geluive dat t volgens de voorspellingen de volgende daag weer zonnig zou zeen.
Mer good, dat wetende zeen we gisteroavend toch mer vertrokken en ff later zooge we de dreigende donkere wolke komen en om 8 oer hubbe we in n noodweer gezeate dat we twiefelde om nog langs de kant te goan. Wiel moos mit twee heng t sjtuur sjtevig vast houe, bliksem, rage, sjtorm. Ich koos mich noe veursjtelle dat mit n rukwind de camper koos omkiepe.
Euveral borde mit veurzichtig mit de aqua planing. En toch zuusze nog idioten die langs veage. En inderdaad op de angere kant van de autobaan ging t mis en woor n flink ongeluk gebeurd.
En n oer later woor de sjtorm veurbie en hubbe we alein nog reage gehad. Mer good dat we door zeen goan rieje, we houe noe gein last van vrachtauto’s omdat t zondig woor en euveral zeen ze aan de weag aan t wirke. Moandig houe we zeker weten weer in de file gesjtoan.
Noe sjtinge we om half 11 (noa nog n pauze gemaakt te hubbe) op de parkeerplaats in rothenburg op den tauber.
We hubbe os veurgenome en ich geluif dat t os al 3 weake is gelukt om elke moandig get te plaatsen op de pagina van marlantis op facebook en op instagram. We merken dat t toch neudig is om get van os te loate huure om os bedrief dreiende te houe. Dat is echt t minder leuke werk. Sjteeds n ongerwerp zeuke en tekste maken zeen we beiden gein held in.
Doarnoa zeen we nog ff door t sjtadje gelope mit n temperatuur van 19 graden en mit n jas aan en toe sjoon. Belachelijk! Niks mis mit natuurlijk mer 25 graden, zonnetje, oape sjoon en zonger jas heat absoluut mien voorkeur.
We houe ineens weer goeje ontvangst dus hubbe de rest van de filmkes geplaatst.
En noe zeen we op weag noar Wertheim, dea plek blieft leuk. We goan eerst parkeren boave op n berg bie n grote camperwinkel wo we auch kinne euvernachten.
Vaste prik is om dan te goan kwijlen (hubbe echt n sjlabber neudig dan) bie de campers. En dan is t van okay dit weerd ozze volgende camper, oh nea toch neet, dea heat twee enkel bedde....zucht....dea is nog mooier, beater enz
En als we noa boete lope zigge we altied mer ozze camper is t ideaalste tot noe toe. Och ja doe mos toch get te druime hubbe.
