weekendje Terspegelt

Vandaag eerste dag op een zonovergoten dag ( 34 graden). Wat hubbe we t heerlik mit die 3  sjatjes. . Sjietje is de hele middig en oavend op bezeuk geweas en heat mit kinne genieten. Vanmurge ff in de file gesjtoan mer om kwart euver 12 sjtinge we op de plaats. Perfecte plek, geliek aan t strandje en de viever. Kinger sjpronge oet de camper, trokke de zjwumsjpulle aan, insjmere en go.....Wiel ging de luifel en t extra zonnesjerm oetzette en ich bin pannekoeken goan bakke. Ich dacht dat doon we lekker smiddigs dan kinne we t vanoavend mekkelik make mit n breudje. Wiel is joamer genog neet lekker, heat kealpien en n sjnoternaas en veualt zich neet fit. Mer gelukkig kumt Sjietje vanmiddig en dan kint dr lekker ff ruste bie de tent.

Pannekoeke ginge er good in, mer good datze in de camper nog n appel houe gegeate want t woor alweer half 2. De tied vluugt hie veurbie. 

Eate woor op en hoppakee doa rende ze weer weg noar t water. Gelukkig houe we zat luchtbedjes en vanalles bie os veur op t water, keus genog en afwisseling auch. ze wore blie verrast wie Sjietje ineens erbie zoot, dat woor gezellig. We hubbe ze ff noar de camper gelokt om n ieske te eate , ich vong dat ze ff mooste chille , germ Zef hou de razelerietis mer eroet kome now way. Dan mer ff ieske eate bie de camper ingepakt in n lekkere grote optidee badlaken. Lekker soft en werm.

En doa ginge ze weer noar t water. Waat releks. Zus en ich bleeve ff in de sjaduw bie kleppe en af en toe ginge we kieke. Rond n oer of 4 vong Nina t gezelliger dat we erbie keeme zitte. Gein probleem, Sjietje ging alvast noar ze toe en ich maakte ff n kom kloar mit hap klare brokke. Tomaatjes, paprika, 'kwamkwammer'oet de tuin van Sjietje, kersen en bananen. MMMMM......dat woor auch ff lekker. Om 7 oer woor t welletjes, ze begooste langzamer te kieke en t woor auch tied veur n breudje. Dat houe de eendjes gehuurd, die keeme auch ff langs veur hun maaltje. En n vakantie mit deerkes is veur mich t ultieme. Kinger en deerkes n ram fijne kombie. 

Doanoa ging Sjietje nog ff mit ze noar de sjpeeltuin  dat woar beloaf zodra de zon doa n bietje weg woor, s middigs koos ze doa niks aanrake dan verbrende ze dich dien kneukskes aan t iezer. Wiel ging de sjloaptent opzette en ich ging ff aafwasse. Doarnoa ginge Sjiet en ich de kleintjes douche, nou ja, eigelijk sjting ich er get veur sjpek en bone bie want in n poep en n scheet hou die ze gewesje, dat kump omdat ze dat gewend is natuurlijk van op t werk. Mer lekker ff zo'n fijne hulp erbie. Nina ging zich helemoal alein douche, goed he? Die is waal n oer weggeweas, lekker chille onger de douche, de kleintjes hou hun ieske al op en doa keem de schone dame. Boaaaa wat hubbe we vandaag genoten. Saar loog als eerste in de camper en sjleep binne 2 minuten. Nina en Zef loge in de tent en hubbe nog n tiedje t reuze gezellig gehad. En ich hub genote van ze. Wat n gegiegel. Heerlijk. Het is noe 11 oer. Alles is in diepe rust. En wea goan auch zo sjloape. Tot murge.......