2 plekken opgesjove

Wie we aankome sjtinge we op plek B03 en sinds gisteren sjtoan we 2 plaatsen verder. Vanaaf vandaag zouden op B03 nuuje minse komen en mer good dat we gisterochtend al zeen omgehoesd want we hubbe hie beater ontvangst mit de wifi en we kinne hie als we willen tv kieken. Om 10 euver 7 vinge we t toch altied leuk om ff noar t gevoel van te kieken, de wandel4daagse in Nijmegen.

Gisteren hubbe we n reage daag gehad, neet de hele daag, mer waal n bewolkte daag, we mooste mit de fiets ff noar de winkel weer boodsjappe hoale en zeen ongerweag lekker naat gewore, vergeate noar buienradar te kieke, mer dat maakt hie niks oet, kins toes kome, zjwumkleier aandoon en in t werme water sjtappe.

Noe weit ich datse de baden soavens leag loate, neet de zjwumbaden mer de thermaalbaden. T water weerd via de grond weer opnuuj opgepompt. Dus vanmurge zote we om 9 oer weer mit os klitse in n zuuver badje van 36 graden.

Alsze eroet sjtaps veulse dich 5 joar jonger hahaha...

ff get van internet geplukt.....

Hongarije ... Het heeft zelfs meer warmwaterbronnen dan IJsland. Dat is precies de reden waarom in dit fascinerende stukje Europa de Romeinen hun populaire badcultuur introduceerden. Het geneeskrachtige water spuit op sommige plaatsen gewoon uit de grond en vult de thermaalbaden.

Dat komt door de vulkanische onderlaag. En doordat de aardkorst in Hongarije zo’n 10 kilometer dunner is dan elders in Europa. 

We zeen al bienoa noar alle winkels geweas....aldi, lidl, spar, penny enz. Mer nurgens get van greunte, dus mien voornumme van low calorien eate mit doorgoan op vakantie kinsze hie sjeke. In ein winkel hub ich n diepvrieszak broccoli kinne vinge. 

Gisteroavend n heerlijke pizza gegeate dea Wiel hou gehoald in t restaurant. Dat woor smulle veur 11 euro mit z’n tweetjes wore we kloar, doa goan ich neet veur koake. Als we t doa houe gegeate woor t nog goedkoper, noe betaalde we de doos en service kosten erbie. 

In deze sjtreek is t eate goedkoop. We sjproke gisteroavend de nederlanders die wore goan oet eate hie in de buurt, ich geluif dat ze 8 euro veur hun twee betaalde.

Hie mosze dan waal tussje 11 en 2 oer smiddigs goan eate en dan kriegse t dagmenu.

Ja.....dat klinkt als muziek in de oere, ich goan dus neet meer koake, benuujd wat we vanmiddig goan eate.

We zote gister oavend weer in het thermaalbad mit de nederlanders, mot toch ns n naam goan vroage....toen er nog inne jong bie keem dea sjteit hie mit zien gezin net als die angere n moand lang, ze kome hie al acht joar op n riej.

Boeken noe al weer veur volgend joar. Ich begin t waal te sjnappe. Doe kriegs vanaaf 3 weake nog ns 20% korting. En hie is alles, sjpeeltuin, kingerbaden en genog zjwumbaden. Meistal elke daag zon en soaves keult t aaf en t eate kost hie geine drol. 

Sanitair is heel zuuver, bie de zjwumbaden zeen de w.c.’s mit n automaat veur de bril zuuver te maken, n royale wasbak veur dien wasje te doon mit n centrifuge en alsze dien beddegood wils wasse geisze noar t hotel om dien was te loate doon.

De fruitbuim mit abrikozen sjtoan volop in blui dus we kinne hie elke daag n bak abrikozen vullen. 

T bevilt os hie sjteeds beater en hubbe langzaam osse dreij gevonge. We zeen er zelfs euver aan t dinke om hie volgend joar twee weake truuk te kome.

Vanmurge loge we dus om 9 oer weer in t mineraalwater en om 10 oer begoos in n anger bad de aerobic. Wiel zoog dat neet zitte mer ich hub lekker mit gedoan. Heerlijk.

En.......doarnoa zeen we weer noar de receptie gelopen en hubben tot volgende weak vriedig (tot dan is deze plaats vrie), biegeboekt.

Whoohoooo.......wat n hel hie!!!