Midden Hongarije

We zeen net bie goan boeken! Mer eerst ff in t kort vertille wat we de aafgeloupe daag nog hubbe gedoan.....

We zeen eerder vertrokke bie puszta eldorado, de camping wo we n weak gratis kooste blieve, n fijne plek mer we hubbe doa helemoal alein gesjtange tot aafgeloupe zoaterdig toen keme gasten in n huuske zitte mit n dochter van n joar of 10. Gelukkig werd t weer iets beater en koos t zich vermake in t zjwumbad anders is er helemoal niks te doon veur kinger doa en wea houe t auch waal gezeen doa.

Op die grote plaats wo wea sjtonge wille ze auch mer 3 campers hubbe sjtoan, leever hubbe ze gasten in de bungalows. Campers zeat ze verdeene ze niks aan, die zeen zelfvoorzienend , gebroeke veual sjtroom en gebroeke de douches, zo wooste we geliek wat ze van os vonge mit ozze camper. Zoaterdig wie de betalende gasten doa wore werd auch ineens vanalles op n bord gehangen mit wat er te kriege woor en datse elke daag eate koos besjtelle. 

Woor hun zeker te lestig om, we wore gratis en de enige gasten om dan auch nog get veur os kloar te maken.

Zoaterdig hubbe we doa waal geliek gebroek van gemaakt. We koosten n dubbele hamburger besjtelle en friet veur 7,50 p.p. Normaal gesjproake geisze dan mit n kom t eate ophoale mer t zou gebracht were. Wat n luxe dachten we nog. Tot meneer op de aafgesjproake tied mit n zak aan keem wo friet en n hamburger inzote van n hamburgertent oet t durp. Laat t jullie smaken. 

Hub mer neet gezag dat ze lekker hou gekoakt veur os.

Op zondig zeen we vreug noar de mert gereje n durp verder, veual kleier van veur de oorlog en get kroame mit greunte en fruit, ich dink oet eige tuin. Mer waal ff leuk om ereurver heen te lope. De oorspronkelijke hongaren hubbe n typische veerkante kop en dieke luppe en wie ouwer ze zeen wie meer dat gezicht inein zakt en die luppe noar veur kome.

Ich zeen t zo veur mich dat ich ze op n riej zet en n leedje sjpeel op die luppe......

We houe os vereje en Wiel sjtopt om de tom tom in te sjtelle en geliek sjtopt er n auto neave os of we hulp neudig houe. De vruntelijkheid hie en de behulpzaamheid doa kinne wea n veurbeeld aan numme.

Moandig woar t veur t eerst dat we hubbe gezjwomme op de camping en zeen we nog doa gebleeve anders wore we moandig doa al weg gegoan.

Dinsdagochtend om half 7 de wekker gezat om op tied in tiszafured te zeen, auch al woor t nog gein 50 km doa deisze minimaal n oer euver ivm de sjlechte weag. Mer wie we auch langs t meer reje nurgens zoge we n strandje wo we mit de camper bie kooste. De toeristinfomatie woor al joare gesjloate, dan mer 15 km verder om te kieke of de volgende toeristinformatie oape woor en gelukkig doa in de buurt kooste we waal mit de camper bie n strandje kome. 

Doa hubbe we heerlijk op t meer gepeddeld, om n oer of drie begoos t hie auch weer flink te weie en toen hubbe we de plenning weer omgegooid om ipv in deze plaats noar de camping te goan en murge hie truuk te kome verder te rieje noar de volgende plaats midden in Hongarije.

En dat woor helemoal super.

Eindelijk weer meer reuring. Ich dink dat we bie de puszta t oudste gedeelte hubbe gehad. De hoeze zeen hie auch beater oet en er is get meer volk te bekinne.

We houe geboekt veur 2 nachten mer we zeen net bie de receptie geweas om bie te boeken. We goan moandig pas hie weg.

We betalen t zelfde bedraag als op de angere campings en hie zit de thermae erbie inbegrepen. 

Ich weit neet wieveual zjwumbaden, t koudste hele grote zjwumbad hubbe we bienoa veur os alein en dan lupt t op van 28 graden tot 38 graden.

Versjillende werme baden zitten mineralen in, t water is auch broenig van kleur, we hubbe in t bad van 36 graden gezeate, dat is pas lache.......allemoal banken erin....eederein zit auch, de oudjes mit heudjes op veur t zunke. Wiel numt t het fosielenbad. 

Doe zuus auch weam er hie kumpt kuure, dat zeen dames mit de zonnebril op hun friseur, lipjes geverfd, alle goud wat ze hubbe om en aan hange, dat zeen die mit peegels die hie in t hotel ligge en zich nog ns loate massere en wat al neet meer. 

We hubbe mit nederlanders gesjproake die hie kome veur de reuma. Toes de zjwoarste medieciene hubbe en sjpuite motte en hie bienoa gein last hubbe. Ze kome hie al vanaaaf 1985 en hubbe n kaart mit alle kuurhoeze van hongarije en dat zeen dr heeeeeel veual. Sjteit Hongarije veur bekint. 

Als we in dat bad zitte zit os heele lief onger de bubbels van de zuursjtof, benuujd wat dat oeteindelijk duit mit os. Er hingt n kaart op mit welke mineralen erin zitten.

De kinger in Hongarije hubbe hie 3 moande schoolvakantie en hie lope heel veual opa’s en oma’s mit de kleinkinger rond. Mer hie hubsze auch alles, van kingerbaden, glijbanen, binnen/boetenbaden, springkussenkasteel, ich weit neet wieveual restaurantjes , ich weit neet wieveual ligbedjes, graasvelden veur op te ligge. 

Veur os het einde, dus hie wille we nog waal get blieve en de komende daag auch mit de fiets de omgeving verkennen. 

Word vervolgd....