Ballatonmeer

Zoals we al vertilde op t filmke woor t nog n oetdaging om n euvernachtingsplek te vinge. De camperplaats wat Wiel hou opgezocht via campercontact loog halverweage n sjtroat wo get auto’s sjtinge, dat woor zo wie zo gein vlakke plek om te sjloape, en de plek loog auch neet aan t meer.

De volgende plek woor vol en dea verwees os 100 meater verder wo n grotere camping loog alein die nome gein minse aan omdat ze n waterprobleem houe. Door de veuale reage wat woor gevalle woor t water neet meer te drinken en auch woor dr n douche probleem. 

Dus we houe os lekker geinstalleerd neave de camping. Super plekje geliek aan t meer. Dat is wat we t leefste deeje in Portugal. Aan t water en vrie parkeren. 

Wat n verademing, ff gein campings meer. De boodsjappe wore gedoan, we houe os gedoesj op de veurige camping. W.c woor leag en t water weer gevuld. 

Heerlijk, als we neet were weg gesjtuurd dan kinne we hie waal ff blieve sjtoan. Fietse eroet en de omgeaving bekieke. Er zou n fietspaad ligge rondom het meer. Het meer is 120 km lang in totaal, mer neet euveral kinsze zoge we mit de fiets vlak langs t water fietse.

T veel os op dat t mit t toerisme best waal mit veel. Hie zuusze nurgens strand tentjes, waal af en toe n eettentje en get kreuamkes mit opbloasdinge veur op t water en get badkleding, mer niks bijzonders. 

Noa n km of 7 zooge we n graasveld mit n paar campers op sjtoan...campers zeen we zo wie zo neet veual teage gekome hie in Hongarije. Er sjting n nederlander doa zeen we aan goan vroage of dr hie bleef euvernachten. Er sjting n frans talige vlaming neave m dea al n weak hie sjting. Wiel de coordinaten opgesjreve zodat als we op ozze plek weg mooste we hie kooste komen sjtoan.

Wat os nog ff teage heel om hie geliek noar toe te goan is dat we euver t graasveld mooste lope om bie t water te kome terwijl we noe mit de naas aan de t klotsende (heerlijk geluidje) water sjtinge. 

Mer waal n super plek om mit de kano op t water te kome en er wore w.c.’s, n klein restaurantje bie en er sjtinge boete douche, meer hubbe we neet neudig. 

S oaves hubbe we lekker boete gezeate, neave de camper, echt fijn aan t water. Euveral aan t meer goan ze waal soaves en ich dink auch waal snachts zich installeren om te goan vusje. Er sjting n busje lans ozze camper en die ginge s nachts auch vussje. Dus ich hub neet heel lekker gesloape doa.

De volgende daag zeen we mit de camper noa Siofok gereje, dat kinsze n bietje vergelieke mit lorett de mar in spanje. Veual toerisme, veural jeugd wat doa kump. Mit de camper kumsze hie neet aan t water, heel veual apartementen en hotels langs t meer. Op n pleintje werde kreumkes ingericht veur soaves. Dink dat t dan waal gezellig is mit de lempkes aan. Mer we houe alle twee gein zin om te wachten tot t duuster woor. Auch hie weer ouwe meuk wat er sjting. De jachthaven woor waal leuk. Piratensjepe loge er als rondvaartboten. Dat zou echt get veur Zef zeen geweas. 

Auch n dinosauruspark zou er in de buurt zeen. En n ouwe zeeman sjting er mit n papegaai doa koosze mit op de foto. De papagaai ging dan op dien sjouwer zitte. 

Wat os auch opvilt is dat er heel veual weerd gerookt hie in Hongarije. Nurgens is hie n rookverbod.

Omdat we gein sjloapplek langs t meer vonge zeen we truuk gereje noar t graasveld mit t sanitair erbie. Doa hubbe we mit de sjteul nog lekker aan t water kinne zitte. Hie in de buurt zuusze auch gein hotels en weinig apartementen, dus heel weinig toerisme. 

Douche woor ff n uitdaging mit dat kouwe water mer alsze eraan gewend bus dan veulse dich herboren. Soaves en snachts hou t weer geonweerd en gereagend. Hou neet gedacht dat t zoveual reagende hie. Noa n oer bin ich t al weer meug.

Gisteren hubbe we n heerlijke middig gehad op t meer mit de kano. Smurgens woor dr nog teveual wind en woor t ff frisjes, mer smiddigs woor t heerlijk.

Vandaag zou t weer n reage daag zeen. In siofok hou eemis gezag dat Veszprem nog n leuke sjtad zou zeen, woor waal n klein uurke rieje mer de hele daag in de camper zitte mit reage houe we auch gein zin in. We hubbe t geliek weer gecombineerd mit get boodsjappe hoale en neave de Tesco (grote levensmiddelenwinkel), loog de decathlon, doa zeen we nog get handdeuk goan hoale. Die zeen toch waal handig. Heel dun en ze numme gein plaats in.

s middigs veel de reage mit bakke oet de loeg en dan zuusze niks van de geboewe. Winkels bun ich in hongarije zo wie zo kloar mit, t is echt mode en sjoon en alles van 10 joar truuk. 

Doanoa zeen we noar n gedoogplaats gereje neave n lavendelkwekerie op t eiland Tihany, we wore toch al aan de euverkant van t meer en anders mooste we weer n oer truuk rieje en we wore toch murge van plan om hie noar toe te goan.

Ich geluif dat we noa n kwarteer alweer boete sjtinge, dat sjtelde echt niks veur. Tihany is n schiereiland, wat ze auch waal de parel van t balatonmeer neume. We goan t murge ontdekken, tot noe toe vilt dea parel nog in t water.

Murgemiddig hubbe ze weer reage veursjpeld. We zote ff te dubbe of we neet verder zoude trikke mer t weer is auch in Duitsland neet stabiel. Noa murge zou t nog n paar daag prima zeen hie aan t meer en we wille nog n keer mit de kano t meer op. Tjechie hubbe we auch nog euverwoge om nog noar Praag te goan mer op de ein of angere maneer trikt os dat neet meer. 

Dus euver n paar daag goan we weer via Boedapest, dan de nacht door rieje door Oostenriek tot aan Passau en dan kieke we weer noar de weervoorspellingen. 

Als t beater weer is in Wertheim goan we doa weer noar toe n paar daag en anders noar de bodensee in Duitsland. Doa is Wiel vaak geweas als kind op vakantie en heat doa leuke herinneringen aan. We zeen t waal.