Dag 2 bie de puszta

We zitte binnen in de tent, t is acht oer soaves en we kinne neet noar boete want dan were we opgevrete door de mugge. Bie Wiel vilt t mit mer ich hub geliek dieke bloare, die verrekte homo’s! 

Ruum n weak zeen we ongerweag en ich kin nog neet zigge of Hongarije tot mien favoriet land geit huure. De veugel geluiden zeen fantastisch. We hubbe de hele daag n vogelconsert om os heen. Mer ich hub nog gein keer mien bikini aan kinne doon. Ff zon en dan begint t weer flink te weije, de temperatuur keldert dan geliek noar onger zodat ze t vest weer kins aandoon. 

Ich hoop dat t weer nog geit verangere zodat we mit de camper noar t tiszameer kinne goan mit de kano. De voorspelling blieft hange op 23 graden en t weekend veual onweer en reage. We zeen t waal. 

Boodsjappe doon .......wat zeen we in Nederland verwent. Alles watse wils is er te kriege. Hie kriegsze alein de greunte van t seizoen. Gein bloemkool, gein witlof,  als ze geluk hubs in de grotere supermarkten is dr in slegter mit get kippetjes en ich vong doa selderij, mer dat is ff behelpen. T omrekene van forinten noar euro’s ving ich n handicap. Kolere wat is dat lestig. Mien sjnapper wirkt neet meer zo sjnel wie vreuger, we hubbe er beide muite mit om per artikel te goan omrekene wieveual t noe in euro is. De prieze zeen hoger dan in nederland. Auch de diesel zou goedkoper zeen, mer is auch hoger dan bie os. 

Hie in t durp zou n bakker en n greunteboer zeen, dink dat we doa murge ns noar toe fietsen. Ze heat mich gezag wie t hoes eroet zuut want n etalage kinne ze hie neet. En als de deur op slot zit hubbe ze niks. Anders kint ze geweun noar binne goan.

Zondigmurge zou 10 km verder n markt zeen van 6 oer smurgens tot 10.30 oer. Alle winkels zeen hie om 6 oer al oape. Op de koffie goan bie eemis doon ze hie om half 8 smurgens. En om 9 oer soaves likt eederein in bed. Zomer en winter.

De waterpomp hubbe we nog noagevroagd. De gemeente is verplicht om de zoveual meater n waterpomp neer te zetten terwijl eederein waal water in hoes heat. Mer om de kosten te besjpare goan ze water hoale bv veur de w.c. Door te sjpeule, bie de pomp.

Waal is eederein verplicht om 10 liter water elke daag zo wie zo te gebroeke per hoesgezin. 

Hele andere gewoontes mer als we eemis teage kome zeen ze allemoal heel vruntelijk. Murgevreug goan we nog ns n poging wagen om mit de fiets noar t Tisza meer te goan. Mer eerst ff zeuke of t meugelijk is om via n angere weag te goan. De eerste paar km is zandweag wo de hele daag traktors euver heen rieje, van dat sjtuufzand wose de nek op briks. 

Word vervolgd.....